FRUM2AU03
Fjölbrautaskóli Suðurlands Haustönn 2016 |
FRUM2AU03 Frumkvöðlafræði - Nordplus |
Kennari: | Ýmsir | Sk.st. |
Áfangalýsing:
Frumkvöðlafræði er hugsuð sem þriggja anna samhangandi ferli. Nemendur einblína á þann auð sem er í nærumhverfinu og eiga að reyna að finna nýjan vinkil á stofnun fyrirtækis með sjálfbærni og vöxt sem markmið. Nemendur þurfa að huga að öllum hliðum fyrirtækjargerðar, allt frá hugmynd og viðskiptaáætlun til markaðssetningar, markhóps og framkvæmdar.
Nemendur sem eru í áfanganum taka mögulega þátt í samvinnuverkefni við önnur Norðurlönd um nýsköpun.
Meginmarkmið er að nemendur læri um ferlið að hrinda hugmynd í framkvæmd og forðast þau mistök sem frumkvöðlum verða oft á, læra að þekkja markaðstækifæri og mögulega ónýtt tækifæri í nær umhverfi okkar og koma með hugmyndir um nýtingu og verðmætasköpun út með sjálfbærni í huga, aukna færni í mannlegum samskiptum og að vinna út frá auðnum í umhverfinu. Áfanginn snýst um frumkvöðlafræði, viðskiptafræði, markaðssetningu, læsi á umhverfi, skilning á sjálfbærni og tengslamyndun.
Undanfari: Enginn
Þekkingarviðmið:
Nemandi skal hafa aflað sér þekkingar og skilnings á:
Viðfangsefnum og hugtökum frumkvöðlafræðinnar sem tengjast námsefninu, t.d.
- þróun viðskiptahugmyndar,
- áætlanagerð og verkefnastjórnun,
- skapandi hugsun,
- markaðssetning og tíðarandagreining,
- stjórnun og leiðtogaþættir,
- gerð viðskiptaáætlunar,
- sjálfbærni.
Leikniviðmið:
Nemandi skal hafa öðlast leikni í að:
- beita algengustu hugtökum frumkvöðlafræðinnar á skýran og skilmerkilegan hátt,
- afla fjölbreyttra gagna,
- vinna sjálfstætt og gagnrýnið með efni áfangans,
- lesa og skilja umfjöllun um frumkvöðlafræði, markaðsfræði og nýsköpun,
- geta beitt öguðum vinnubrögðum, tekið ábyrgð á eigin námi og unnið í samvinnu við aðra,
- tjá sig í ræðu og riti um samfélagsleg og markaðstengd málefni.
Hæfniviðmið:
Nemandi skal geta hagnýtt þá þekkingu og leikni sem hann hefur aflað sér til að:
- tjá sig skipulega og gagnrýnið um einstaka efnisþætti,
- geta tekið þátt í umræðum um málefni áfangans og myndað sér skoðanir sem byggjast á gagnrýnni hugsun og öflun gagna,
- afla sér upplýsinga, greina helstu atriði þeirra og hagnýta sér þær,
- geti hagnýtt Netið til að afla sér þekkingar, markaðstækifæra og tengsla,
- tjá sig skipulega og gagnrýnið um samfélagsleg álitamál, frumkvöðlatækifæri og sjálfbærni,
- geta áttað sig á og nýtt sér ferlið við gerð viðskiptaáætlunar og nýtingu markaðstækifæra.