BÓKF2BB05
Titill | Bókfærsla |
Námsgrein | Bókfærsla |
Viðfangsefni | Bókfærsla |
Skammstöfun | BÓKF2BB05 |
Staða | |
Þrep | 2 |
Einingafjöldi | 5 |
Tillaga að bókstöfum/tölustöfum skóla | BB |
Lýsing | Nemendur sem hefja nám í þessum áfanga eiga að hafa fullt vald á bókhaldshringrásinni, geta hafið bókhald og lokað því samkvæmt reglum tvíhliða bókhalds. Í þessum áfanga er fyrri kunnátta dýpkuð verulega með erfiðari færslum. Farið er yfir bókun á helstu reikningum fyrirtækja, notkun fyrningareikninga við afskriftir eigna, bókun verðbréfa, hlutabréfa, skuldabréfa og annarra skuldaviðurkenninga og notkun affallareiknings. Einnig er farið yfir bókanir sem varða innflutning, tollafgreiðslu, greiðslu virðisaukaskatts í tolli, kostnað og fyrirkomulag við geymslu á vörum í tollvörugeymslu. Uppgjörsfærslum er haldið áfram, bæði í gegnum aðalbók og reikningsjöfnuð. Farið er yfir bókanir í sambandi við stofnun og slit fyrirtækja, breytingar á réttarformi, samruna og fjárhagslega endurskipulagningu fyrirtækja. |
Forkröfur | BÓKF1BA05 |
Þekkingarviðmið |
Nemandi skal hafa aflað sér dýpri skilnings á: -Hugtökum tvíhliða bókhalds -Helstu reglum tvíhliða bókhalds -Helstu reikningum í fjárhagsbókhaldi -Helstu lögum um bókhald og virðisaukaskatts |
Leikniviðmið |
Nemandi skal hafa öðlast leikni til að: -Gera skil á færslum vegna innflutnings á vöru, helstu innflutningsskjölum, tollaafgreiðslu, greiðslu virðisaukaskatts í tolli, gengisbreytingum og kostnaði og fyrirkomulagi við geymslu á vöru í tollvörugeymslu -Reikna og bóka verðbætur, vexti og afborganir af verðtryggðum skuldabréfum -Bóka færslur sem tengdar eru hlutabréfaeign, arður, gengisbreytingar, jöfnunarhlutabréf og svo framvegis -Meðhöndla mismunandi virðisaukaskatt í bókhaldi -Gera skila á staðgreiðsluskatti, framlag í lífeyrissjóð og tryggingagjaldi -Færa viðskiptamannabókhald |
Hæfniviðmið |
Nemandi skal geta hagnýtt þá almennu þekkingu sem hann hefur aflað sér til að: -Bóka færslur sem varða stofnun og slit fyrirtækja -Vinna með viðskiptamannabókhald, sérstaklega með tilliti til innheimtu og afskrifta á viðskiptaskuldum -Þekkja skilmála Fob og Cif -Bóka færslur sem varða breytingu á réttarformi fyrirtækja, samruna og fjárhagslega endurskipulagningu þeirra. |
Námsmat | |
Útgáfunúmer | |
Skólar | |
Fyrirmynd | |