Frjálsíþróttaakademía

Frjálsíþróttaakademía:

Upplýsingar um Frjálsíþróttaakademíu Frjálsíþróttadeildar Selfoss

Nafn akademíu:
Frjálsíþróttaakademía Frjálsíþróttadeildar Selfoss og Fsu.

Aðsetur, kennitala, sími, tölvupóstur:
Engjavegi 50
kennitala: 690390-2729
GSM: 892-7052
Tölvupóstur:frjalsar@umfs.is

Fjöldi iðkenda:
Haust 2021: 18 iðkendur

Þjálfararnir:

Yfirþjálfari:
Sigríður Anna Guðjónsdóttir
Bed íþróttakennarapróf
Þjálfaragráður frá ÍSÍ og FRÍ og margra ára reynslu í þjálfun.

Þjálfari:
Rúnar Hjálmarsson
Með 1. stig hjá ÍSÍ og Youth Coach réttindi hjá FRÍ
Þjálfað frjálsar í 11 ár

Æfingaaðstaða:

Selfosshöllin á íþróttavallarsvæðinu á Selfossi:tækniæfingar þol og styrktaræfingar

Frjálsíþróttavöllur á íþróttavallarsvæðinu á Selfossi: tækniæfingar, þol og styrktaraæfingar

Æfingar (kennslustundir) á viku: 2x110 mín. á viku.

Mánudagar: 10:25 – 12:20: Selfosshöllin.
Miðvikudagar: 13:10 – 15:00: Selfosshöllin.

Fjöldi eininga:

Valáfangi. 6 annir. Alls 30 einingar

Kostnaður við akademíu

Frjálsíþróttaakademian kostar 14 750kr á mánuði skólaárið 2021-2022.  Innifalið í gjöldunum eru æfingar með Meistaraflokki Selfoss í frjálsum íþróttum. Nemendur fá æfingafatnað einu sinni á hverju skólaári.

Hvað þýðir að vera hluti af Frjálsíþróttakademíu UMF Selfoss.

Að vera hluti af akademíu er að vera hluti af heild sem stefnir öll að áþekkum makmiðum þ.e. að bæta sig sem einstaklingur og frjálsíþróttamaður. Að læra á sjálfan sig og aðra ásamt þínu nánasta umhverfi. Að umgangast þessa hluti og annað fólk í þínu umhverfi af skilningi, metnaði, skynsemi og ábyrgð. Þú þarft að læra að vera hluti af einhverju stærra og finna þig í því sem þú ert  að taka þátt í og gera eins mikið úr því og þú getur og hafa jákvæðnina að leiðarljósi.

Hvað fæ ég út úr því að vera í Frjálsíþróttaakademíu UMF Selfoss:
Ef þú tekur fullan þátt í öllum áföngum akademíunnar þá öðlast þú betri skilning á sjálfum þér sem einstaklingi og íþróttamanni. Þú lærir að nálgast viðfangsefnin af þolinmæði, ábyrgð og metnaði og finnur vonandi þinn sess í því sem þú ert að gera (þinni/þínum greinum) og sýnir í kjölfarið framfarir. Það skiptir miklu máli að mæta 100% og hafa samviskusemi og jákvæðnina í fyrirrúmi í öllum timum. Þú færð líka tækifæri til að æfa á skólatíma við mjög góðar aðstæður i nýrri fjölnota höll sem risin er á íþróttavallarsvæðinu.

Stutt samantekt um starfið:

Frjálsíþróttaakademían á Selfossi  var stofnuð haustið 2015 og hefur starfað sleitulaust síðan. Iðkendur akademíunnar hafa verið á bilinu 11-21, yfirleitt fleiri á haustönn. Það er val nemenda hvort þeir velji að stunda nám í Frjálsíþróttaakademíunni en alls eru í boði sex áfangar sem fást fyrir 30 einingar ef nemendur klára allar annirnar.

Meirihluti iðkenda hafa á starfstíma akademínunar æft frjálsar íþróttir víðsvegar á Suðurlandi (HSK svæðinu). Þá hafa margir iðkendur orðið Íslandsmeistarar í sínum aldursflokkum og fullorðinsflokkum og keppt í Bikarkeppni Frjálsþróttasambandsins með úrvalsliði HSK. Af þeim nemendum sem hafa verið í Frjálsíþróttaakademíunni frá upphafi starfstíma hennar frá hefur fjöldi verið valinn í úrvalshópa Frjálsíþróttasambandsins (FRÍ), sem er nokkurskonar landsliðsúrtak. Nemendur akademíunnar hafa keppti með A-landsliði Íslands í fullorðinsflokki sem og í sínum aldursflokki.

Þrátt fyrir ungan aldur Frjálsíþróttaakademíunnar er árangur af starfsemi hennar strax orðinn sýnilegur. Iðkendur akademíunnar hafa sýnt verulegar framfarir og unnið til fjölda verðlauna á Íslandsmeistaramótum.

Iðkendur akademíunnar geta æft endurgjaldslaust hjá meistarahópi Frjálsíþróttadeildarinnar.  Þeir sem nýta sér allar æfingar sem í boði eru geta þannig náð tveimur æfingum á skólatíma og fimm æfingum með meistarahópi Frjálsíþróttadeildar Selfoss.

Framtíðin:

Það var merkur áfangi  1. sept. 2015 þegar skrifað var undir stofnsamning akademíunnar milli Frjálsíþróttadeildar Selfoss og Fsu. Löngu tímabært var að stofna akademíuna því mikil hefð er fyrir frjálsum íþróttum í héraðinu. Byrjunin lofar mjög góðu og  höfum við fulla trú á því að akademían sé komin til með að vera og að fólk sæki til okkar til að bæta sig sem íþróttamenn og persónur. Vonumst við til þess að standa undir þeim væntingum sem iðkendur og forráðamenn þeirra gera til okkar.

Síðast uppfært 26.janúar 2022