Kjörorð skólans

Fjölbrautaskóli Suðurlands leggur áherslu á að allir eigi jafna möguleika til þátttöku og áhrifa án tillits til félags- og efnahagslegrar stöðu, hæfni, reynslu, aldurs, kyns, kynhneigðar, trúarafstöðu, kynþáttar eða þjóðernis.

Kjörorð skólans hafa frá upphafi verið:

Fjölbreytni, sköpun, upplýsing

Fjölbreytni felur í sér:

• að nemendahópurinn sé fjölbreyttur og fái nám við hæfi.
• að nemendur fái að þroskast á eigin forsendum. 
• að námsframboð, kennsluaðferðir, námsmat séu fjölbreytt og mæti þörfum allra nemenda.
• fjölbreyttan hóp starfsmanna með mismunandi reynslu og menntun.
• að bjóða upp á fjölbreytta þjónustu við nemendur.

Sköpun felur í sér:

• tækifæri til að tjá sig og koma skoðunum sínum á framfæri með mismunandi hætti.
• frumlega sýn og nýjar leiðir í námi og kennslu.
• hvetjandi skólaumhverfi sem ýtir undir samtal, skapandi og gagnrýna hugsun.
• styðjandi skólasamfélag sem hjálpar nemendum að koma hugmyndum í framkvæmd og örvar nemendur til samvinnu og sjálfstæðra vinnubragða.

Upplýsing felur í sér:

• að gera nemendur að hæfari og upplýstari samfélagsþegnum.
• að nemendur séu vel upplýstir um sínar skyldur og ábyrgð gagnvart námi.
• að kennarar séu vel upplýstir um sínar skyldur og ábyrgð í starfi.
• fjölbreytni í miðlun upplýsinga innan skólasamfélagsins sem og út í nærsamfélagið.
• að starfsfólk og nemendur séu öruggir og búi við gott skipulag.