Stúdentsbraut - félagsgreinalína

 Brautin tekur gildi frá og með haustönn 2023. Nemendur fæddir 2006 og fyrr þurfa ekki að taka KYNJ2GR04, en þurfa þess í stað að taka 40 einingar í félagsgreinum umfram kjarna. Enn eldri braut má nálgast hér

Félagsgreinalína á stúdentsbraut veitir nemendum góða almenna menntun í bóklegum greinum með sérstaka áherslu á félags- og hugvísindi. Nám á brautinni er góður undirbúningur fyrir háskólanám í hug- og félagsvísindum, s.s. félagsfræði, heimspeki, sögu, sálfræði og tengdum greinum, ásamt námi á sviði menntavísinda.

Meðalnámstími 6-7 annir. Brautin er 200 einingar sem skiptast í kjarna, sem er 166-176 einingar, og frjálst val, 24-34 einingar sem nemandinn velur sjálfur.  Hafa þarf í huga að einingar á þriðja þrepi þurfa að vera að lágmarki 34 og samanlagður einingafjöldi á öðru og þriðja þrepi þarf að vera að lágmarki 134.

Röðun í byrjunaráfanga í dönsku, ensku, íslensku og stærðfræði tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar um inntökuskilyrði og röðun í kjarnaáfanga.

*Missi nemendur af félagsfræði og umhverfisfræði á fyrsta þrepi taka þeir aðra áfanga í félags- og náttúrufræðigreinum í staðinn.

Mikilvægt er að nemendur dýpki sig í ákveðnum greinum til að vera betur í stakk búnir til að takast á við frekara nám og mæta aðgangsviðmiðun þeirrar námsleiðar sem þeir stefna á í háskóla eða frekara námi (sjá aðgangsviðmið háskólanáms).
Við skipulagningu náms er nauðsynlegt að nemendur hafi samráð við náms- og starfsráðgjafa.

Eldri braut

Kjarni: 101 ein. (sjá kjarna: Stúdentsbraut-opin lína)

Enska: 10 ein auk kjarna

Nemendur velja að auki a.m.k. 50 ein. blöndu úr samfélagsgreinum:

Félagsfræði
Heimspeki
Sögu
Sálfræði
Uppeldisfræði

Einnig geta nemendur valið að vinna lokaverkefni (5 ein. á 3. þrepi) á síðustu önn.

Frjálst val: 39 ein.

Mikilvægt að nemendur hafi eftirfarandi í huga við val:

Til að ljúka stúdentsprófi þarf að ljúka að lágmarki 67 ein á 2. þrepi og 34 ein á 3. Þrepi. Lágmarksfjöldi ein til að ljúka stúdentsprófi er 200 ein, af þeim þurfa minnst 134 ein að koma af 2.-3.þrepi.