Stúdentsbraut - íþróttalína

Brautin tekur gildi frá og með haustönn 2018. Eldri braut má nálgast hér

Íþróttalína á stúdentsbraut veitir nemendum góða undirstöðuþekkingu í bóklegum greinum með áherslu á íþróttafræði og íþróttir. Brautin er góður undirbúningur fyrir framhaldsnám í félags- og menntavísindum og þar sem gerð er krafa um góðan undirbúning í íþróttum. Einnig er námið góður undirbúningur fyrir þjálfun og vinnu með börnum og unglingum.

Meðalnámstími 6-7 annir. Brautin er 200 einingar sem skiptast í kjarna og bundið val sem er 170-180 eining og frjálst val, 20-30 einingar sem nemandinn velur sjálfur. Hafa þarf í huga að einingar á þriðja þrepi þurfa að vera að lágmarki 34 og samanlagður einingafjöldi á öðru og þriðja þrepi þarf að vera að lágmarki 134.

Röðun í byrjunaráfanga í dönsku, ensku, íslensku og stærðfræði tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar um inntökuskilyrði og röðun í kjarnaáfanga.

*Missi nemendur af félagsfræði og umhverfisfræði á fyrsta þrepi taka þeir aðra áfanga í félags- og náttúrufræðigreinum í staðinn.

Mikilvægt er að nemendur dýpki sig í ákveðnum greinum til að vera betur í stakk búnir til að takast á við frekara nám og mæta aðgangsviðmiðun þeirrar námsleiðar sem þeir stefna á í háskóla eða frekara námi (sjá aðgangsviðmið háskólanáms).
Við skipulagningu náms er nauðsynlegt að nemendur hafi samráð við náms- og starfsráðgjafa.

Eldri braut

Opin stúdentsbraut (ST1) – íþróttalína

Lýsing: Markmið námsins er að veita nemendum fræðilega og verklega þekkingu í kennslu og þjálfun íþrótta og hreyfináms fyrir börn og unglinga.  Námið er metið inn í þjálfarastig ÍSÍ sem þjálfari 1a, 1b og 1c.  Námið hentar þeim sem hyggja á nám í íþrótta og heilsufræði, sjúkraþjálfun, iðjuþjálfun og öðrum skyldum greinum.

 Kjarni 101 eining

Séráfangar á íþróttalínu 48 einingar

Íþróttafræði                     ÍÞFR2ÞJ05, ÍÞFR2SS05 og ÍÞFR3LL05

Íþróttagreinar                 ÍÞRG þrír áfangar (samtals 9 einingar)

Starfsnám                       ÍÞJÁ3AÐ03

Skyndihjálp                     SKYN1HJ01

Heilbrigðisfræði             HBFR1HH05

Sálfræði                          SÁLF2IN05

Uppeldisfræði                UPPE2UM05

Næringarfræði               NÆRI2AA05 eða AFRE2NÆ05

Frjálst val 51 einingar

Mikilvægt er að nemendur hafi í huga:

Til að ljúka stúdentsprófi þarf að ljúka að lágmarki 67 einingum á 2. þrepi og 33 einingum á 3. þrepi.

Lágmarksfjöldi eininga til að ljúka stúdentsprófi er 200 einingar.