Aðalfundur 2023

Aðalfundur Hollvarðasamtaka Fjölbrautaskóla Suðurlands 26.maí 2023

Mættir: Vera, Andrea, Anna, Örlygur, Hjörtur, Sigrún Hjartardóttir og Helgi starfsmaður stjórnar.

• Vera formaður setti fund kl. 16.00 og var stungið uppá Örlygi sem fundarstjóra og undirritaðri sem ritara. Samþykkt samhljóða.
• Ritari las fundargerð síðasta aðalfundar og var hún samþykkt.
• Formaður flutti skýrslu stjórnar frá síðasta ári. Þar er sagt frá því helsta í starfinu, s.s. fundahöldum, verðlaunaafhendingum við brautskráningu, og öðrum styrkjum til nemenda.Einnig minnst á útgáfu fréttabréfs og innheimtu félagsgjalda, uppfærslu félagatals og ársreikninga samtakanna svo og vísnakvöld og kórstarf. Skýrslan samþykkt samhljóða.
• Andrea lagði fram reikninga félagsins í forföllum gjaldkera fyrir árið 2022. Rætt um útgjöldin sem eru að venju aðallega styrkir, um vaxtakjör og nauðsyn þess að endurskoða þau nú í ljósi vaxtabreytinga. Reikningarnir samþykktir og undirritaðir.
• Tillaga stjórnar um að árgjaldið 2023 verði óbreytt; 2000 krónur á einstaklinga og 5000 krónur á fyrirtæki var samþykkt samhljóða.
• Kosning stjórnar. Stjórnarmenn gefa kost á sér áfram og var það samþykkt samhljóða. Andrea verður áfram fulltrúi starfsmanna og Helgi starfsmaður stjórnar.
• Kosning endurskoðenda. Þeir verða áfram Ásmundur Sverrir Pálsson og Gunnar Bragi Þorsteinsson.
• Önnur mál:
• Rætt um viðtölin sem verið er að taka við eldri starfsmenn skólans og hvað eigi að gera við þau. Er hægt að setja þau inn á síðu Hollvarða, eigum við að stefna að útgáfu 50 ára afmælisrits eða tengja Youtube í gegnum gmail. Helgi fer í málið og athugar með uppfærslu á heimasíðunni.

Fleira ekki rætt og fundi slitið kl. 16.50

Anna Árnadóttir ritari