Fjölbraut rokkar

Fæstir sem eiga erindi um ganga Fjölbrautaskóla Suðurlands á skólatíma gætu ímyndað sér að í húsinu æfðu rokkbönd.  Á meðfylgjandi mynd má þó sjá nokkra nemendur skólans er stunda nám í áfanganum TÓS 173. Áfanginn byggir á samspili hefðbundinna rokkhljómsveitarhljóðfæra þ.e. gítar, bassi, trommur og söngur.   Auk þess  að stunda samspil er tónheyrnin þjálfuð í sérstöku forriti er heitir Earmaster.  Nær öll kennsla fer því fram með nemendur undir heyrnatólum, hvort sem er í tölvutímum eða samspili.