Sæbjörg Eva er dúx FSu á haustönn 2017
Sæbjörg Eva Hlynsdóttir er dúx FSu á haustönn 2017. Sæbjörg lauk stúdentsprófi á tveimur og hálfu ári. 70 nemendur brautskráðust frá Fjölbrautaskóla Suðurlands fimmtudaginn 21. desember.
Sæbjörg Eva, Arna Dögg Sturludóttir, Bergrún Gestsdóttir og Sarah Lillan During hlutu viðurkenningar frá Hollvarðasamtökum FSu. Þorgerður Helgadóttir hlaut viðurkenningar fyrir góðan árangur í sögu og frönsku. Bergrún Gestsdóttir hlaut viðurkenningar fyrir góðan árangur í stærðfræði og eðlis- og efnafræði. Arna Dögg Sturludóttir hlaut viðurkenningu fyrir góðan árangur í spænsku. Jóhanna Sveinsdóttir hlaut viðurkenningu fyrir áhuga og mjög góðan árangur í íslensku. Júlía Sól Kristinsdóttir hlaut viðurkenningu fyrir mikinn áhuga og árangur í myndlist. Sarah Lillian During hlaut viðurkenningu fyrir frábæran árangur í bóklegri og verklegri hjúkrun á sjúkraliðabraut. Sigþór Constantin Jóhannsson hlaut viðurkenningu fyrir vel unnin störf að félagsmálum.
Nemendur úr Tónlistarskóla Árnesinga, sem margir hverjir eru einnig nemendur við FSu sáu um tónlistarflutning við athöfnina.
Á myndinni er Sæbjörg Eva, dúx FSu. Fleiri myndir frá brautskráningu má finna á fésbókarsíðu skólans.