Ukaliusaq-skólinn í heimsókn

Miðvikudaginn 6. apríl tók alþjóðafulltrúi skólans, Lárus Bragason, á móti  50 nemendum og 6 kennurum  Ukaliusaq-skólans í Nuuk í Grænlandi. Alþjóðafulltrúi kynnti skólann, skipulag hans og hlutverk. Grænlensku krakkarnir voru áhugasamir og spurðu margs.  Að lokinni kynningu var farin stutt skoðunarferð um aðalbygginguna Odda  í fylgd alþjóðafulltrúa. Þess má geta að gestirnir dáðust sérstaklega að umgengni í skólanum.