Úrslit í Stærðfræðikeppni grunnskólanna

Miðvikudaginn 24. mars síðastliðinn fór fram verðlaunaafhending í Stærðfræðikeppni grunnskólanna á Suðurlandi. Keppnin sjálf fór fram miðvikudaginn 10. mars í FSu og var keppt í þremur aldursflokkum. Fimmtíu og sjö nemendur tóku þátt í ár; tuttugu úr 8. bekk, tuttugu og tveir úr 9. bekk og fimmtán úr 10. bekk. Einstökum árangri náði Þjóðbjörg Eiríksdóttir, nemandi í 10. bekk í Grunnskóla Bláskógabyggðar,  en hún fékk 100 stig af þeim 100 sem í boði voru.

FSu þakkar Skólaskrifstofu Suðurlands, styrktaraðilum,  þátttakendum og  öðrum sem að keppninni komu samstarfið og óskar neðangreindum vinningshöfum til hamingju með árangurinn.