Vel heppnuð æfing

Þriðjudaginn 22. september var haldin brunaæfing í FSu. Eftir að viðvörunarbjöllur höfðu klingt tvisvar stormuðu nemendur og kennarar stystu leið út úr skólanum og biðu þess að hættuástandi yrði aflétt. Að þessu sinni tók aðeins hálfa þriðju mínútu að rýma skólann, sem er nýtt met í brunavarnasögu hans að sögn „Brunaliðsins”, eins og öryggisnefndin sem stendur fyrir þessum uppákomum er stundum nefnd.