Fréttir

Í sumar var farin erasmus+ ferð á vegum FSu til Ítalíu. 4 nemendur og 2 kennarar fóru í tengslum við verkefnið Inclusion by sport and culture. Farið var á fornleifasvæði, fræðst um sögu Ítalíu í nálægð við Napolí og skútusiglingar prófaðar.

Nýlega smíðuðu nemendur á húsasmiðabraut áhöld fyrir hestabraut FSu sem notuð verða til kennslu í hindrunarstökki. Gaman er að sjá hvernig þekking á mismunandi brautum nýtist á milli faggreina innan skólans.

Fjölbreytt verkefni eru unnin af nemendum í textíl og fatahönnun. Í áfanganum HÖTE3HA vinna nemendur með tauþrykk, búta- og útsaum. Nemendur kynnast helstu aðferðum í þessu handverki og gera ýmis verkefni eins og sjá má á meðfylgjandi myndum.

BEBRAS áskorun 2019 stendur yfir vikuna 11. -15. nóvember. Bebras áskorunin er þrautarlausnakeppni tekin í tölvu og reynir á rökhugsun og tölvufærni.

Nemendur í leiklist og nemendur í íslenskuáfanga í ritun og tjáningu héldu nýverið uppskeru- og leiklistarhátíð þar sem sýnd voru 9 stuttverk.

Nýnemarnir, Daniel Święcicki og Sara Ægisdóttir, hlutu nýverið viðurkenningu vegna velgengni í stærðfræðikeppni framhaldsskólanna. 306 nemendur úr 15 skólum tóku þátt að þessu sinni.

Þriðjudaginn 22.okt höfðu nemendur á hárgreiðslubraut og sjúkraliðabraut vistaskipti. Hárgreiðslunemar mættu í Iðu, þar sem Íris Þórðardóttir kennari sjúkraliðabrautar tók á móti þeim og bauð þeim upp á líkamsbeitingarnámskeið. Þar var rætt um afleiðingar rangrar líkamsbeitingar, við leik og störf. Rætt var um heilsuna, með áherslu á hvíld, hreyfingu og mataræði.

Íris Arna Elvarsdóttir sigraði söngkeppni FSu sem hadlin var í gær í Iðu.. Söngkeppnin er einn af hápunktum viðburða hjá FSu og er vel sótt af nemendum og bæjarbúum. Afar vel er staðið að keppninni og öll umgjörð til fyrirmyndar.