Fréttir

Sæbjörg Eva Hlynsdóttir er dúx FSu á haustönn 2017. Sæbjörg lauk stúdentsprófi á tveimur og hálfu ári. 70 nemendur brautskráðust frá Fjölbrautaskóla Suðurlands fimmtudaginn 21. desember.

Fimmtudaginn 21. desember er brautskráning sem hefst kl.14. Um 70 útskriftarefni taka þá við prófskírteinum sínum. Gestum er boðið upp á kaffi og meðlæti eftir athöfn.

Verk úr veggjalistaráfanga Fjölbrautaskóla Suðurlands eru komin upp við Húsasmiðjuna og Blómaval. Verkin voru unnin af 17 nemendum. Efnistök voru frjáls og hvert verk er sjálfstætt enda var ekki komið á hreint í upphafi annar hvar verkin skildu sett upp. Verkin voru unnin í svokallaðri Smiðju í hinu nýja verknámshúsi FSu, Hamri.

Nemendur í þriðja þreps áfanga í fatahönnun, HÖNN3FH05, hafa sett upp ljósmyndasýningu við anddyri Odda, en sýningin er hluti af lokaverkefni áfangans

Nemendur í FILM1SX02 áfanga, sem er kvikmyndagerð á starfsbraut hafa framleitt fjölbreyttar myndir sem hafa vakið gleði og aðdáun meðal kennara. Flest verkefnin eru unnin með aðferð sem kallast á ensku "Stop Motion" og er stundum kallað "hikmynd" á íslensku.

Nemendur í vélvirkjun voru nú á dögunum að vinna að áhugaverðu verkefni en það snérist um að hanna og teikna sérstakt vinnuborð með afsogi fyrir slípiherbergi í verksal. Notast var við þrívíddar teikniforritið Inventor, en Inventor er gríðarlega öflugt teikniforrit sem notað er af stærstu fyrirtækjum landsins.

Hátíðarkór Fsu tók þátt i aðventutónleikum i Selfosskirkju 10. desember. Einkar góður rómur var gerður að hljómi og söng kórsins. Hátiðarkórinn samanstendur af nemendakór skólans sem og nýstofnuðum kennara- og starfsmannakór .

Nemendur í leiklist og nemendur í íslenskuáfanga í skapandi skrifum héldu í liðinni viku uppskeru- og leiklistarhátíð þar sem sýnd voru 10 stuttverk. Um er að ræða samstarfsverkefni íslenskuáfanga í skapandi skrifum og leiklistaráfanga á 1. og 2. þrepi undir stjórn Guðfinnu Gunnarsdóttur og Jóns Özurar Snorrasonar.

Í febrúar á þessu ári tóku náms-og starfsráðgjafar á Suðurlandi sig saman og stofnuðu formlega félagsskapinn HNOSS. Hópur náms- og starfsráðgjafa á Suðurlandi. Síðan í febrúar hafa þeir hist fjórum sinnum víða um Suðurland. Í hópnum eru 17 náms-og starfsráðgjafar sem starfa við náms- og starfsráðgjöf í skólum og í öðrum stofnunum á Suðurland. Tilgangur með félagsskapnum er að efla tengslin milli náms- og starfsráðgjafa og þeirra stofnana sem þeir vinna við.

Annað hvert ár er gerð úttekt á opinberum vefjum ríkisstofnana og sveitafélaga með tilliti til innihalds, nytsemi, aðgengi, þjónustu og lýðræðislegrar þátttöku. Nýlega var kynnt niðurstaða fyrir úttekt 2017 og þar er vefur FSu í 31 sæti yfir alla vefi og í efsta sæti yfir vefi framhaldsskóla með 90 stig af 100 mögulegum