Fréttir

Laugardaginn 26. maí var brautskráning við FSu. 109 nemendur brautskráðust og er skipting milli brauta eftirfarandi:

Harpa Svansdóttir er dúx FSu á vorönn 2018, en brautskráning fór fram í laugardaginn 26. maí. Harpa, Vilborg María Ísleifsdóttir og Almar Óli Atlason hlutu viðurkenningu frá Hollvarðasamtökum FSu. Harpa hlaut að auki viðurkenningar fyrir framúrskarandi árangur í raungreinum og stærðfræði

Á brautskráningu næstkomandi laugardag verður sýndur glæsilegur refill sem starfsfólk skólans hefur tekið þátt í að skapa á einn eða annan hátt. Hugmyndina að verkefninu átti Guðbjörg Dóra Sverrisdóttir, íslenskukennari og handverksfrömuður. Hún fékk til liðs við sig Ágústu Ragnarsdóttur, myndlistakennara, sem hannaði myndina og útfærði. Starfsfólk settist niður við prjónaskap í vetur og mátti sjá marga þeirra sitja við verkið á fundum og á kaffstofu skólans.

Nemendasýningin "Norður og austur mætast" er nú að verða tilbúin fyrir útskriftarathöfn í FSu, laugardaginn 26. maí næstkomandi. Þarna leiða saman hesta sína nemendur úr tveimur áföngum í Hönnunardeild FSu.

Aðalfundur Hollvarðasamtaka FSu verður haldinn laugardaginn 26. maí 2018 að lokinni brautskráningu í FSu. Fundurinn hefst um kl. 16:30 og verður á annarri hæð skólans í stofu 202. Á dagskrá eru hefðbundin aðalfundarstörf. Allir velunnarar FSu velkomnir.

Íslandsbanki á Selfossi færði í vikunni rafiðnadeild FSu góðar gjafir sem munu nýtast vel í kennslu rafiðna.

Um klukkan 9 föstudaginn 4. maí fylltist skólinn af glöðum og hávaðasömum lemúrum. Þegar betur var að gáð kom í ljós að þetta voru klárarnir þessa önn í gervi Júlla kóngs, lemúr úr teiknimyndaflokknum Madagaskar.

Fjölbrautaskóli Suðurlands, Samtök sunnlenskra sveitarfélaga (SASS), Héraðsnefnd Árnesinga (HÁ) og Háskólafélag Suðurlands (HfSu) skrifuðu á mánudag undir samkomulag um uppsetningu og rekstur á FabLab verkstæði við FSu.

Nemendur á 6. önn í vélvirkjun heimsóttu fyrirtækið Ísar nýverið, en fyrirtækið er að smíða fyrsta íslenska bílinn sem á að fjöldaframleiða. Ari Arnórsson, stofnandi fyrirtækisins tók á móti hópnum af miklum höfðingsskap.