Fréttir

Íslandsbanki á Selfossi færði í vikunni rafiðnadeild FSu góðar gjafir sem munu nýtast vel í kennslu rafiðna.

Um klukkan 9 föstudaginn 4. maí fylltist skólinn af glöðum og hávaðasömum lemúrum. Þegar betur var að gáð kom í ljós að þetta voru klárarnir þessa önn í gervi Júlla kóngs, lemúr úr teiknimyndaflokknum Madagaskar.

Fjölbrautaskóli Suðurlands, Samtök sunnlenskra sveitarfélaga (SASS), Héraðsnefnd Árnesinga (HÁ) og Háskólafélag Suðurlands (HfSu) skrifuðu á mánudag undir samkomulag um uppsetningu og rekstur á FabLab verkstæði við FSu.

Nemendur á 6. önn í vélvirkjun heimsóttu fyrirtækið Ísar nýverið, en fyrirtækið er að smíða fyrsta íslenska bílinn sem á að fjöldaframleiða. Ari Arnórsson, stofnandi fyrirtækisins tók á móti hópnum af miklum höfðingsskap.

Föstudaginn 20. apríl fór dýrafræðihópur frá FSu í fuglaskoðun niður á Eyrabakka. Þá var horft eftir fuglum við höfnina og í fjörunni þar vestur af.

Þessa viku er hópur frá FSu, 3 nemendur og 2 kennarar í Riga, Lettlandi að vinna að Erasmus+ flóttamannaverkefni.

Síðastliðinn sunnudag var alþjóðlegur Dagur Jarðar. Í góða veðrinu sem fylgdi í kjölfarið fóru nokkrir nemendur ásamt Sverri íþróttakennara út að plokka.

Aðalfundur NFSu var haldinn síðastliðinn miðvikudag og þar tók ný stjórn NFSu formlega við völdum. Á fundinum fjallaði fráfarandi formaður Elísabet Davíðsdóttir um störf nemendafélagsins á þessu skólaári, farið var yfir ársreikninga og samþykktar voru lagabreytingar á lögum félagsins.

Nemendur í frumkvöðlafræði við FSu fóru til Finnlands og dvöldu þar vikuna 9.– 15. apríl sl. ásamt tveimur kennurum frá FSu. Ferðin var hluti af Nordplus Junior verkefninu „Scandinavian Business Company“. Markmið verkefnisins var að efla tengsl milli skóla og landa og stuðla að því að nemendur fari út í frumkvöðlastarf og nýti sköpunarkraft sinn.

Að fara með nemendur í leikhús er nauðsynlegur þáttur í námi þeirra. Slíkt hefur tíðkast í FSu um áratugaskeið og alltaf gert að frumkvæði einstakra kennara.