Fréttir

Verkfalli kennara hefur verið frestað um tvo mánuði. Það þýðir að skólastarf hefst á ný í FSu eftir helgi.

Dagana 22. - 24. nóvember var haldið námskeið í tráfellingum og grisjun með keðjusög á Hallormsstað á vegum Endurmenntunar Græna geirans hjá Garðyrkjuskólanum - FSu. Þetta er annað námskeiðið á Hallormsstað á þessu hausti því fullskipað var á námskeið sem haldið var í október og annað námskeið fylltist fljótt. Búið er að auglýsa nýtt námskeið á Garðyrkjuskólanum á Reykjum í janúar 2025, dagana 21. - 23. janúar. Skráningar eru þegar farnar að berast svo áhugasamir ættu að hafa samband sem fyrst. Skráning fer fram með tölvupósti á gardyrkjuskolinn@fsu.is

Verkfall félagsmanna KÍ í Fjölbrautaskóla Suðurlands hefur staðið yfir í rúmar fjórar vikur.

Starfsmenn Garðyrkjuskólans/FSu á Reykjum hafa í haust unnið að uppsetningu athugunar í tilraunahúsi garðyrkjuskólans á Reykjum í Ölfusi þar sem leitast er við að fá upplýsingar um hentugt lýsingarmagn í vetrarræktun papriku í íslenskum gróðurhúsum. Að tilrauninni koma nokkrir aðilar, Rannsóknarmiðstöð landbúnaðarins (RML), Sölufélag garðyrkjumanna (SFG) og Búgreinadeild garðyrkjubænda hjá Bændasamtökunum. Íslenskir paprikuræktendur áttu frumkvæði að verkefninu.

Vélvirkjadeild skólans er í góðu samtarfi við Gastec og Fossvélar varðandi vinnufatnað og verkfærapakka.