Fréttir

Föstudaginn 26. janúar sl. fóru 20 frönskunemendur frá FSu ásamt Hrefnu Clausen frönskukennara í menningarferð til Reykjavíkur í langferðabíl frá Guðmundi Tyrfingssyni. Á suðurleiðinni æfðu nemendur sig í frönsku með því að látast vera frönskumælandi ferðamenn á ferð um Suðurland. Ekki var slegið slöku við námið og unnu nemendur sleitulaust að lausn verkefna svo kennari mátti hafa sig allan við að koma þeim út úr rútunni þegar til höfuðstaðarins var komið, þvílíkt var kappið við lausn verkefna.

Læknanemarnir Aðalbjörg Ýr Sigurbergsdóttir og Arnar Guðmundsson heimsóttu nemendur í ERGÓ áföngum og héldu örnámskeið í skyndihjálp og endurlífgun.

Á hverju ári er haldin tæknisýning/ráðstefna í London þar sem helstu nýjungar í skólakerfinu, bæði tæknilegar og fræðilegar, eru tíundaðar fyrir fróðleiksþyrsta kennara og skólastjórnendur. Í lok janúar fóru fjórir starfsmenn FSu á Bett, skólameistari, fjármálastjóri og tveir kennarar.

Konur í FSu klæddust svörtu miðvikudaginn 31. janúar til stuðnings #metoo-byltingunni.

Nemendur í matreiðslu, MATR1VB05 fengu gesti í mat í vikunni. Nemendur buðu upp á baunarétt og heimabakaðar tortillur. Í liðinni viku voru nemendur með þorrablót. Fjölbreytni í matargerð er í fyrirrúmi í áfanganum, en í honum er lögð áhersla á kynningu á ólíkum matreiðsluaðferðum.

Nemendur vinna margt fallegt og skemmtilegt í myndlistartímum. Á dögunum varð til þessi skemmtilega mynd af Önnu Sigurveigu Ólafsdóttur á hestbaki á hestinum sínum henni Golu. Listamaðurinn er skólabróðir hennar, Pétur Gabríel Gústavsson. Hann afhenti henni gjöfina við hátíðlega athöfn í myndlistarstofunni. Á myndinni má sjá listamanninn ásamt Önnu Sigurveigu og Kötlu Sif Ægisdóttur, skólasystur þeirra.

Ómar Ingi Magnússon, landsliðsmaður í handbolta, er nýkominn heim af Evrópumeistaramótinu í Króatíu með íslenska landsliðinu í handbolta. Hann kíkti á akademíuæfingu í Iðu í gær og fylgdist með krökkunum á skotæfingu.

Nokkrir nemendur í áfanganum „English in real life“ fóru á haustönn í námsferð til Englands ásamt kennara sínum, Ingunni Helgadóttur og kennaranum Kristjönu Hrund Bárðardóttur. Markmið áfangans var að nemendur fái að vinna með hagnýta ensku, hvernig á að fylla út umsóknir, sækja um vinnu og allt sem tengist því að ferðast til enskumælandi lands og fleira.

Lið FSu hefur lokið leik í Gettu betur. Liðið tapaði naumlega fyrir liði Fjölbrautaskóla Breiðholts. Lokatölur voru 25 stig gegn 29 stigum FB. Keppnin var æsispennandi og mátti litlu muna.

Lið FSu mætir liði Fjölbrautaskólans í Breiðholti á morgun, þriðjudaginn 16. janúar. Keppnin verður í útvarpssal í beinni útsendingu á Rás 2 strax að loknum kvöldfréttum um kl. 19.20 og hefst viðureign FSu kl.21