Fréttir

Miðvikudaginn 3.mai 2017 munu útskriftanemar af sjúkraliðabraut skólans kynna lokaverkefni sín. Þetta eru 10 verkefni um hin ýmsu efni sem tengjast sjúkraliðanáminu. Málstofan hefst kl. 09.30 – 11.00 í stofu 3 í Iðu, íþróttahúsi FSU. Veitingar í boði, að lokinni málstofu. Allir velkomnir.

Nemendur í leiklistaráföngum í FSu sýna tvö verk á leiklistarhátíðinni Þjóðleikur í Hveragerði helgina 21.-23. apríl. Þjóðleikur er leiklistarhátíð ungs fólks sem haldin er annað hvert ár á landsbyggðinni. Verkefnið er haldið að frumkvæði Þjóðleikhússins í góðu samstarfi við menningarráð, skóla, leikfélög og fjölda annarra aðila. Viðurkennd leikskáld eru fengin til að skrifa krefjandi og spennandi verk fyrir 13-20 ára leikara sem svo eru sett upp í hinum ýmsu byggðum landsins. Í hverjum landshluta fer fram lokahátíð að vori þar sem allar sýningarnar eru sýndar.

Páskaleyfi í FSu verður frá 8.apríl til 19. apríl. Kennsla hefst aftur eftir leyfi miðvikudaginn 19. apríl kl. 8.15. Skrifstofa skólans verður lokuð frá 8. apríl og opnar aftur kl. 9.00 þriðjudaginn 18. apríl. Gleðilega páska

Kosningar í nemendaráð FSU fóru fram í liðinni viku. Kosningarnar voru spennandi og margir í framboði um hvert embætti. Kosningar fóru svona: Formaður Nemendaráðs: Þórunn Ösp Jónasdóttir Varaformaður: Elísabet Davísdóttir Gjaldkeri: Matthías Bjarnason

Regnbogadögum lauk nú í vikunni. Á mánudag kom tónlistarmaðurinn Högni Egilsson og spjallaði við nemendur um lífið og tilveruna um leið og hann spilaði fyrir nemendur á flygil skólans. Högni talaði opinskátt um sjálfan sig, veikindi sín og tónlistina sína. Salurinn var troðfullur af áhugasömum nemendum, en Högni er vel þekktur tónlistarmaður verandi meðlimur í hljómsveitunum Hjaltalín og Gus Gus. Regnbogadögum var svo lokað með hressilegu Zumba á þriðjudeginum undir stjórn Silju Þorsteinsdóttur, dans- og íþróttakennara. Húsið nötraði svo í hádeginu þegar DJ Snorri Ástráðs þeytti skífur fyrir nemendur í miðrýminu.

FSu verður með opið hús þriðjudaginn 4. apríl kl. 16:30-18:30 þar sem námsframboð við skólann verður kynnt. 10. bekkingar og forráðamenn eru sérstaklega velkomnir. Opnar smiðjur í verknámi og listnámi. Kór skólans syngur nokkur lög og heitt verður á könnunni. Sjáumst í FSu!

Í dag var gulur regnbogadagur og í skólann komu fulltrúar ungra umhverfissinna til að kynna samtökin. Einnig mættu þær Kolbrún Lilja Guðnadóttir og Karítas Harpa Davíðsdóttir og sungu nokkur lög fyrir nemendur og starfsfólk. Kolbrún og Karítas eru fyrrum nemendur við FSu. Góð stemning á gulum degi.

Þórdís Kolbrún R. Gylfadóttir, nýr ráðherra ferðamála, iðnaðar- og nýsköpunar, ræddi við nemendur á rauðum regnbogadegi í dag, fimmtudag.

Sema Erla Serdar hélt fyrirlestur á Regnbogadögum í dag, miðvikudag. Aðalumræðuefnið var hatursorðræða.