Fréttir

Línur eru farnar að skýrast varðandi Gettu betur á næsta ári. Mikil óvissa var um það hvort keppnin myndi fara fram á næsta ári, en RÚV gaf út tilkynningu s.l. föstudag þess efnis að halda ætti keppnina með hefðbundnu sniði, en þó með fyrirvara um breytingar vegna Covid.

Nýlega heimsótti Lilja Alfreðsdóttir FSu, undirritaði samning um nýja heimavist og notaði um leið tækifærið og skoðaði skólann. Hér má sjá myndir úr heimsókninni.

Í næstu viku er valdagur þar sem nemendur velja sér áfanga fyrir vorönn 2021. Á heimasíðu skólans er hlekkurinn “Áfangamessa”. Þar er OneNote skjal sem er uppfullt af alls konar fróðleik og upplýsingum um námið í skólanum. Endilega kynntu þér málið og kíktu m.a. á frábær kynningarmyndbönd frá ólíkum deildum skólans.

Nemendur á rafvirkjabraut fengu í liðinni viku spjaldtölvur að gjöf frá SART, Samtökum rafverktaka á Íslandi, Rafiðnaðarsambandinu og Endurmenntun rafiðnaðarins. Spjaldtölvurnar nýtast vel til að skoða allt kennsluefni rafvirkjunar á rafbok.is sem er síða sem Rafmennt heldur úti. Kunnum við gefendum bestu þakkir fyrir höfðinglega gjöf.