Fréttir

Á fsu.is er nú kominn Covid-19 hnappur á forsíðunni. Þar má sjá viðbragðsáætlanir skólans gagnvart skólasamfélaginu vakni grunur um smit.

Opnað hefur verið fyrir umsóknir um jöfnunarstyrk fyrir haustönn 2020 hjá Menntasjóði námsmanna. Sótt er um með rafrænum skilríkjum eða íslykli á heimasíðu Menntasjóðsins www.menntasjodur.is eða island.is. Umsóknarfrestur er til 15. október.

Kennsla nýnema verður áfram í staðkennslu í öllum tímum. Allir þurfa að vera með grímu í skólanum. Eldri nemendur mæta í ALLA tvöfalda tíma með grímur eins og aðrir. Sú breyting verður einnig að nemendur verknáms munu fylgja stundaskrá sinni eins og hún birtist í Innu. Nemendur sérnámsbrautar munu, enn sem komið er, fylgja því plani sem hefur verið í gildi síðustu vikur..

Vikuna 7.-11. september mæta allir nýnemar í skólann í alla tíma samkvæmt stundaskrá. Nemendur í verknámi mæti í bóklega tíma samkvæmt stundaskrá í Innu og mæta líka í verklega áfanga samkvæmt núverandi skipulagi. Ef það verður árekstur farið þið úr verklegum tíma og í þann bóklega ef hann er á sama tíma. Bóklega námið gengur fyrir í þessari viku.

Fyrsti kennsludagur á haustönn 2020 Kennsla hefst mánudaginn 24. ágúst kl. 8:15. Fyrstu tveir tímarnir verða rafrænir en kl. 10:25 í tvöfalda tímanum, verður kennslan í FSu samkvæmt stundaskrá. Stundaskrá hvers nemanda segir til um námsgreinina og staðsetningu hennar í stofum. Það sem skiptir öllu máli er að við höfum samskiptin snertingalaus, höldum 1 metra fjarlægð hvort frá öðru og þvoum og sprittum/sótthreinsum hendur reglulega.