Fréttir

Nú þarf að huga að vali á áföngum fyrir haustönn 2021. Inni í OneNote skjali er kynning á námsframboði í FSu (sjá hlekk á forsíðu) . Við bendum sérstaklega á efstu síðuna: LEIÐBEININGAR VALS. Þar er ítarlega farið yfir hvernig maður velur áfanga fyrir næstu önn.

Vetrarleikar FSu voru haldnir á félagssvæði Hestamannafélagsins Sleipnis á Selfossi fimmtudaginn 18. febrúar í frábæru veðri. Sem fyrr kom það í hlut nemenda á fyrsta ári á hestabraut að sjá um mótið og bera ábyrgð á öllum undirbúningi og framkvæmd þess.

Fyrsti fundur fyrir verðandi útskriftarnemendur á starfsbraut var haldinn 10. febrúar á Innu. Guðrún Jóna Ingvarsdóttir, Jón Ingi Guðfinnsson og Kristófer Agnarsson, sátu spennt við tölvuna og tóku við upplýsingum frá Sigursveini Sigurðssyni, aðstoðarskólameistara varðandi fyrirkomulag útskriftar, enda um spennandi tímamót að ræða.

FSu hefur undanfarin ár unnið að því að huga að umhverfismálum í starfi skólans og tekur þátt í verkefninu Græn skref í ríkisrekstri og er Grænfánaskóli. Nýverið ákvað skólinn í samráði við umhverfisnefnd að gefa öllu starfsfólki vatnsbrúsa. Hugsunin er að fólk sé með brúsana í vinnunni og noti. Þetta ýtir undir vatnsdrykkju og minnkar uppvask og vinnu.

Fjölbrautaskóli Suðurlands býður upp á nám í hársnyrtiiðn. Námið er sex annir og geta nemendur tekið fjórar af þeim hér í skólanum. Námið er skapandi og skemmtilegt og atvinnumöguleikar að því loknu mjög góðir.

Selfoss Karfa kynnir með stolti verkefni sem unnið hefur verið að undanfarna 12 mánuði með Real Betis á Spáni. Um er að ræða samning um náið samstarf þessara tveggja félaga við uppbyggingu ungra og efnilegra leikmanna til að undirbúa þá fyrir hæsta getustig körfuboltans. Félögin munu vinna að sameiginlegri, faglegri sýn er varðar liðsuppbyggingu, umgjörð, þróun leikmanna frá öllum hliðum og hinum æðri markmiðum körfuboltans.

Nemendur í byrjunaráfanga í byggingartækni í kvöldskóla FSu þurfa að leysa ýmis verkefni.

Síðastliðin önn var ekki eins og annir eru flestar. Heimsfaraldur og samkomubann settu strik í reikninginn varðandi skipulag viðburða hjá Nemendafélagi FSu. Þó tókst að gera það besta úr ástandinu.

Nýtt faglegt kennslueldhús var opnað í FSu í haust eftir miklar endurbætur. Kennarar og nemendur á Grunnnámsbraut matvæla og ferðagreina ásamt nemendum í valáföngum í bakstri og matreiðslu eru mjög ánægð með nýja kennslueldhúsið sem er mjög vel tækjum búið og öll aðstaða til fyrirmyndar eldhúsið er líka mjög bjart og fallegt.

Vélvirkjun eða mechanical engineering er fag sem kennt er við FSu. Þar fá nemendur meðal annars að smíða alvöru vél sem knúin er með þrýstilofti.