Fréttir

Hátíðarkór Fsu tók þátt i aðventutónleikum i Selfosskirkju 10. desember. Einkar góður rómur var gerður að hljómi og söng kórsins. Hátiðarkórinn samanstendur af nemendakór skólans sem og nýstofnuðum kennara- og starfsmannakór .

Nemendur í leiklist og nemendur í íslenskuáfanga í skapandi skrifum héldu í liðinni viku uppskeru- og leiklistarhátíð þar sem sýnd voru 10 stuttverk. Um er að ræða samstarfsverkefni íslenskuáfanga í skapandi skrifum og leiklistaráfanga á 1. og 2. þrepi undir stjórn Guðfinnu Gunnarsdóttur og Jóns Özurar Snorrasonar.

Í febrúar á þessu ári tóku náms-og starfsráðgjafar á Suðurlandi sig saman og stofnuðu formlega félagsskapinn HNOSS. Hópur náms- og starfsráðgjafa á Suðurlandi. Síðan í febrúar hafa þeir hist fjórum sinnum víða um Suðurland. Í hópnum eru 17 náms-og starfsráðgjafar sem starfa við náms- og starfsráðgjöf í skólum og í öðrum stofnunum á Suðurland. Tilgangur með félagsskapnum er að efla tengslin milli náms- og starfsráðgjafa og þeirra stofnana sem þeir vinna við.

Annað hvert ár er gerð úttekt á opinberum vefjum ríkisstofnana og sveitafélaga með tilliti til innihalds, nytsemi, aðgengi, þjónustu og lýðræðislegrar þátttöku. Nýlega var kynnt niðurstaða fyrir úttekt 2017 og þar er vefur FSu í 31 sæti yfir alla vefi og í efsta sæti yfir vefi framhaldsskóla með 90 stig af 100 mögulegum

Desember byrjar með jólakósíheitum hjá starfsfólki FSu. Kaffistofa kennara hefur verið skreytt hátt og lágt af starfsmönnum fæddum í nóvember og desember, en sömu starfsmenn buðu upp á jólakaffihlaðborð í byrjun mánaðarins.

Nýlega var haldinn var tækjadagur í FSu þar sem nemendur á fimmtu önn í vélvirkjun fengu að koma með tækin sín til skoðunar og viðgerðar í skólanum

Árlegur skólafundur FSu var haldinn þriðjudaginn 21. nóvember síðastliðinn. Þetta er samráðsfundur alls starfsfólks skólans, kennara, nemenda og annarra starfsmanna.

Nýverið tók lið FSu þátt í spunakeppninni Leiktu betur í Borgarleikhúsinu þar sem mikil gleði og hæfileikar komu saman. En við ættum kannski að byrja á því að segja smá frá keppninni sjálfri. Leiktu betur er spunakeppni framhaldsskólanna en keppnin gengur út á það að 4-manna lið frá hverjum skóla skiptast á að flytja stutt spunaleikrit á staðnum. Það gjarnan er spunnið með ákveðnum stíl og/eða orði frá áhorfendum. Dæmi um þetta væri: Elliheimilaspuni með söngleikjastíl.

Nemendur í áfanganum verktækni grunnnáms, sem eru nemar sem eru að leggja af stað í nám tengt bygginga- og mannvirkjagreinum heimsóttu Ella og félaga í JÁ Verk, þar sem þeir voru að slá upp mótum og fleira tengt byggingu íbúða fyrir eldri borgara á Suðurlandi.