Fréttir

Framhaldsskólakynningin Mín framtíð fór fram 13. – 15. mars í Laugardalshöllinni. Um 25 framhaldsskólar kynntu fjölbreytt nám samhliða íslandsmóti iðn- og verkgreina en keppt var í 19 greinum. Fyrstu tvo dagana var kynning fyrir grunnskóla og sóttu 9000 nemendur í 9. og 10. bekk sýninguna. Síðasta daginn var fjölskyldudagur og þá var opið fyrir almenning.

Þann 4. mars síðastliðinn hélt hópur nemenda í jarðfræði við FSu í ferð á Reykjanesið undir leiðsögn kennara síns Heklu Þallar Stefánsdóttur. Með í för voru sex nemendur frá eyjunni Réunion í Indlandshafi ásamt tveimur kennurum þeirra. Ferðin var vægast sagt mikil upplifun þar sem veðrið var ekki upp á sitt fínasta. Snemma var keyrt fram á snjógplóg sem hafði lent út af vegi og voru FSu-arar ekki lengi að bjarga málunum og koma manninum. Hlúð var að honum uns lögregla mætti á svæðið.

Fjölbrautaskóli Suðurlands og Landsvirkjun hafa endurnýjað samstarfssamning sín í milli. Samningunum er ætlað að styðja við verklegt iðnnám rafvirkja- og vélvirkjabrauta við FSu. Einnig er markmiðið að kynna starfsemi fyrirtækisins fyrir nemendum skólans.

Jafnréttisnefnd FSu, nemendaráð og starfsfólk FSu stóðu saman að glæsilegri HINSEGIN viku í FSu vikuna 24. til 28. febrúar. Skólinn uppfærði fánann sinn í gegnum Hinsegin kaupfélagið og var honum flaggað upp í himin auk þess sem veggir, stofur, gangar, mötuneyti og starfsfólk var skreytt með öllum regnbogans litum.

Afreksþjálfarinn Þórir Hergeirsson heiðraði nemendur og starfsfólk FSu með nærveru sinni mánudaginn 3. mars síðastliðinn. Tilefnið var nægt með hliðsjón af afrekaskrá hans en hin hliðin á Þóri er sú að hann er gegnheill Selfyssingur og 40 ára FSu stúdent. „Ég kem hingað sem gjöf” orðaði hann af húmor og auðmýkt en skýringin er sú að útskriftarhópur hans ákvað að gefa nemendum og starfsfólki FSu fyrirlestur með Þóri. Fullyrða má að það hafi verið vel þegin gjöf. Fullur salur af áhugasömum nemendum og kennurum og öðrum þeim sem vildu hlusta og nema og hitta kappann.

Nemendur í JARÐ3VE05 sem ígrunda veður og haffræði fóru í heimsókn á Veðurstofu Íslands þann 20. febrúar síðastliðinn. Kristín Hermannsdóttir veðurfræðingur tók á móti og fengu nemendur fræðslu um starfsemi veðurstofunnar og tækifæri til að koma með ýmsar spurningar.

Vikuna 24. - 28. febrúar er hinsegin vika í FSu.

Miðvikudaginn 12. febrúar síðastliðinn heimsóttu nemendur á lokaönn í húsasmíði Byggðasafn Árnesinga ásamt kennara sínum Lárusi Gestssyni. Eins og flestir vita er byggðasafnið staðsett á Eyrarbakka en þeir mættu vera enn fleiri. Trédeild FSu hefur farið á Byggðasafnið síðustu ár tvisvar á lokaönn með nemendur úr áfanganum HÚSV3HU05.

Sameyki kynnti niðurstöður í vali á stofnun ársins 2024 þann 13. febrúar síðastliðinn. Alls tóku 140 ríkisstofnanir þátt en þeim er skipt í þrjá stærðarflokka. Fimm efstu stofnanir í hverjum flokki fá sæmdartitilinn „fyrirmyndarstofnun“. FSu varð í þriðja sæti af 46 í flokknum stofnanir með 90 eða fleira starfsfólk.

HEFÐ er fyrir því að menntaverðlaun Suðurlands séu afhent í hátíðarsal FSu sem kallast Gaulverjabær. Að þessu sinni hlutu þau fjölskyldusvið sveitarfélagsins Árborgar sem staðið hefur fyrir hagnýt og ókeypis íslenskunámskeið fyrir foreldra grunnskólabarna með fjöltyngdan og fjölmenningarlegan bakgrunn.